Iechyd a Lles

Cyhoeddwyd strategaeth tair blynedd gyntaf Her Iechyd Sir Benfro ym mis Ebrill 2005.

Edrychwch ar Yr hyn yr ydym wedi i gyflawni (Mewn ffenest newydd)

Roedd gan y strategaeth bedair thema allweddol: dewisiadau bywyd iach; mynediad i wasanaethau a chyfleoedd; gostwng anghydraddoldebau a darparu mwy o wybodaeth; rheoli cyfathrebu a pherfformiad.

Yn ogystal, roedd pedair thema trawsdoriadol: cefnogi pobl i reoli eu lles personol; darparu gwasanaethau ymatebol i anghenion cwsmeriaid; annog asiantaethau i gydweithio er mwyn darparu gwell gwasanaethau, a darparu gofal yn y lleoliadau mwyaf priodol.

Datblygwyd y strategaeth gan Gyngor Sir Penfro a Bwrdd Iechyd Lleol Sir Benfro mewn partneriaeth ag Ymddiriedolaeth GIG Sir Benfro a Derwen (Ymddiriedolaeth GIG Hywel Dda bellach), y Gwasanaeth Iechyd Cyhoeddus Cenedlaethol, Awdurdod Gwasanaethau Gwirfoddol Sir Benfro a'r Cyngor Iechyd Cymunedol.

Mewn ymateb i flaenoriaethau newidiol ym maes iechyd a lles, ac wrth ddatblygu gwaith sydd eisoes wedi ei gyflawni fel rhan o'r strategaeth gyntaf, mae ein partneriaid, mewn ymgynghoriaeth ag ystod eang o bobl a sefydliadau lleol, bellach wedi datblygu ail strategaeth tair blynedd.

Strategaeth Her Iechyd Sir Benfro 2008 - 2011

Blaenoriaethau'r strategaeth yw:

Darparu gwasanaeth mewn partneriaeth

• Sicrhau bod pawb yn meddu ar gartref derbyniol i fyw ynddo
• Mwy o ffocws ar adnabod ffactorau risg salwch yn gynharach
• Darparu cefnogaeth a gwasanaethau i bobl sy'n dioddef o gyflyrau hir dymor
• Darparu gwasanaethau cefnogol er mwyn galluogi pobl i fyw'n annibynnol yn eu cartrefi
• Gwella gwasanaethau er mwyn cefnogi iechyd meddwl a lles

Cefnogi pobl i fod mor iach ag sy'n bosibl

• Gostwng ysmygu
• Hyrwyddo yfed alcohol yn gyfrifol
• Hyrwyddo bwyta'n iach
• Annog pobl i ymarfer eu cyrff yn amlach

Rydym wedi datblygu cynlluniau gweithredol sy'n nodi sut bydd elfennau allweddol y strategaeth yn cael eu darparu a'u mesur.

Yn ogystal, rydym wedi nodi nifer o faterion trawsdoriadol a fydd yn ategu gweithrediad pob cynllun gweithredol:

• Mynediad i wasanaethau a gwybodaeth
• Cyfle i adnabod dulliau arloesol o weithio
• Ymrwymiad gyda'r cyhoedd
• Cyfle i weithio mewn partneriaeth

Mae copi cyflawn o'r strategaeth, y cynlluniau gweithredol cysylltiedig a'r dogfennau asesu anghenion, ar gael o

Y Strategaeth Iechyd Gofal Cymdeithasol a Lles 2008 2011 (lawrlwytho 247k) & Drafft Cynlluniau Gweithredu

Adroddiad Asesiad Anghenion (lawrlwytho 1669k)

Pam Owen
Rheolwr Iechyd a Lles
Polisi a Chynllunio Corfforaethol
Cyngor Sir Benfro
Neuadd y Sir
Hwlffordd
Sir Benfro SA61 1TP

01437 776612
Pam.Owen@Pembrokeshire.gov.uk

ID: 10090 Adolygwyd: 25/6/2010